სინდრომი - "სად გაქრა ჩემი ფული?"

წარმოიდგინეთ - თქვენ რესტორნის მფლობელი ხართ, რომელმაც ახლახანს ტრენდული ახალი მენიუ წარადგინა. მომხმარებელი აღფრთოვანებულია, ჯავშნები გადავსებულია, სამზარეულო დატვირთულია. თუმცა, როდესაც თვის ბოლოს საბანკო ბალანსს ამოწმებთ, ის არ არის ისეთი, როგორსაც ელოდით. იწყებთ თქვენი არჩევანის გადახედვას - იქნებ ძვირადღირებული ინგრედიენტები იყო? ზედნადები ხარჯები? თუ იქნებ კიდევ ერთი საკვების მიტანის სერვისის დამატებაა პრობლემა, რომელიც გაყიდვების ზრდას მპირდებოდა, მაგრამ მხოლოდ სტრესი შეგვმატა?

თბილისში, მყუდრო რესტორანს, რომელიც ცნობილია თავისი გემრიელი პიცებით და მრავალფეროვანი მენიუთი, კარგი გაყიდვების და ლოიალური ვიზიტორების მიუხედავად, ფულადი ნაკადების მართვის პრობლემები ჰქონდა. მუდმივად იყო ფუსფუსი დარბაზში, ჯავშნები, შეკვეთები და სულ დატვირთული იყო სამზარეულო თუმცა, სიღრმისეული კვლევის შემდეგ აღმოვაჩინეთ, რომ არსებული ფულადი რესურსების გადანაწილება ხელფასებზე, ინგრედიენტების შესყიდვებზე, საწყობის მართვაზე და ვალდებულებების გასტუმრებაზე, დაუგეგმავად და არათანმიმდევრულად ხორციელდებოდა. ამას ემატებოდა ისიც, რომ მფლობელები, ამ ფუსფუსის შეხედვარე თვლიდნენ, რომ საქმე წესით კარგად უნდა ყოფილიყო და ხშირად ფულსაც იღებდნენ პირადი მიზნებისთვის.

სად წავიდა ჩემი ფული?

ალბათ ხშირად აღმოგიჩენიათ საკუთარი თავი საბანკო ანგარიშის ცქერისას - "სად წავიდა ჩემი ფული?" იცით, რომ გაყიდვები გაქვთ, მაგრამ რატომღაც, ფულადი ნაკადები თითქოს ჰაერში ორთქლდება. ეს დამაბნეველი ფენომენი, რასაც ჩვენ "სად წავიდა ჩემი ფული?"-ს სინდრომს ვუწოდებთ, გაცილებით უფრო გავრცელებულია, ვიდრე წარმოგიდგენიათ.

ფინანსური გაურკვევლობის ემოციური ტვირთი

მოდით, პირდაპირ ვთქვათ: ბიზნესის ფინანსური მხარე შეიძლება უკიდურესად სტრესული იყოს. მუდმივმა ნერვიულობამ ფულად ნაკადებზე შეიძლება უძილო ღამეები და დაუსრულებელი შფოთვა გამოიწვიოს. შეიძლება თავი იგრძნოთ როგორც ატრაქციონზე - ერთ მომენტში გაყიდვების წარმატებულ კვირას ზეიმობთ, მეორეში კი გადაუხდელი ინვოისების გამო სტრესში ვარდებით.

სად მიდის თქვენი ფულადი ნაკადები?

სიმართლე ისაა, რომ ბევრი მეწარმე ვერ ამჩნევს რამდენიმე საკვანძო სფეროს, რომელიც ჩუმად წურავს მათ რესურსებს. თუ ამ სურათს ზემოდან შევხედავთ, უამრავი ხარვეზი შეიძლება გამოიკვეთოს თუმცა, სურათის დასანახად, საჭირო ინფორმაციის მოძიება, სტრუქტურიზება და ანალიზია საჭირო. ჩვენთან დამეგობრებით პიცერიას დავეხმარეთ აღრიცხვის სისტემის დანერგვაში, რომლის დახმარებითაც რეალურ დროში ვადევნებთ თვალს მათ შემოსავლებს/ხარჯებს და მფლობელებს უამრავ ისეთ ხარჯზე ვამახვილებინებთ ყურადღებას, რომლებზეც იშვიათად თუ დაფიქრებულან. სულ რამდენიმე თვეში რესტორანმა გარდატეხა განიცადა ფულად ნაკადებში და უკვე გაფართოვებას გეგმავს.

მიზეზები ბევრი და ინდივიდუალურია ყველასთვის თუმცა თვალსაჩინოებისთვის, ჩვენი პიცერიის ქეისიდან ტოპ 5 მიზეზს გთავაზობთ:

მარაგების მართვა: ცდუნება დიდია, რომ პოპულარული და ფასდაკლებული პროდუქტები დიდი რაოდენობით შეიძინოთ, განსაკუთრებით კვების ინდუსტრიაში თუმცა, ჭარბი მარაგები იწვევს გადავსებას და დანაკარგებს. ინდუსტრიის ანგარიშების თანახმად, მარაგების ეფექტური მართვა ბიზნესებს ყოველწლიურად ათასობით ლარის დაზოგვაში ეხმარება.

წარმოების ან ფასის კორექტირება: ხშირად, ყველაზე პოპულარული და გაყიდვადი პროდუქტის წარმოება ვერ ეწევა მოთხოვნას. ანალიზის გარეშე რთულია იცოდე დღის ან სეზონის რომელ მონაკვეთში, რომელი პროდუქტია მოთხოვნადი. გამოსავალი ორია: ან უნდა გაზარდო წარმოება სამზარეულოში (რაც სასურველია) ან გააძვირო პროდუქტი, რომ შედარებით შეამცირო მოთხოვნა (თუ წარმოებას არ აქვს დამატებითი რესურსები)

პროდუქტის ხარჯების კალკულაცია: პროდუქტის ხარჯების სწორი კალკულაცია ერთ-ერთი ყველაზე მნიშვნელოვანი ამოცანაა ბიზნესისთვის. იგი საშუალებას გაძლევთ ზუსტად განსაზღვროთ, თუ რა გიჯდებათ თითოეული პროდუქტი ან მომსახურება. ამ ინფორმაციას გამოიყენებთ როგორც საფასო პოლიტიკის და მოგების ზრდის ნაწილში, ისე მომავლის ბიუჯეტირებისას და კონკურენტთან ბრძოლის დროს.

მაღალი საოპერაციო ხარჯები: იჯარიდან კომუნალურ გადასახადებამდე, ეს ფიქსირებული ხარჯები სწრაფად იზრდება. მათი რეგულარული გადახედვა აუცილებელია. ბევრი ბიზნესი აღმოაჩენს, რომ კონტრაქტების გადახედვა ან მომწოდებლების შეცვლა მნიშვნელოვან დანაზოგს იძლევა. კვლევები აჩვენებს, რომ ბიზნესები ხშირად (30%-მდე) ყიდუობენ სერვისებს, რომლებსაც სრულად არ იყენებენ.

დებიტორული დავალიანებები: ფულადი ნაკადების პრობლემები ხშირად ვადაგადაცილებული გადახდებიდან მომდინარეობს. საშუალოდ, ბიზნესები ერთ თვეს ელოდებიან ინვოისების გადახდას. უკეთესი გადახდის პროცესების დანერგვა დაგეხმარებათ უფრო სწრაფად მიიღოთ თქვენი ფული.

რეალობის შემოწმება: რატომ არის ეს მნიშვნელოვანი

იმის დანახვა, თუ სად მიდის თქვენი ფული - უმნიშვნელოვანესია. ეს არის ინფორმირებული გადაწყვეტილებების მიღება, რომელსაც შეუძლია გრძელვადიანი წარმატებისკენ წაგიყვანოთ. ფულადი ნაკადების არასწორი მართვა არის ბიზნესის წარუმატებლობის ერთ-ერთი მთავარი მიზეზი არამარტო კვების, არამედ თითქმის ყველა ინდუსტრიაში.

რა შეგიძლიათ გააკეთოთ? რჩევები მეწარმეებისთვის

ამ სინდრომთან ეფექტურად საბრძოლველად და ფინანსებზე კონტროლის დასაბრუნებლად, გაითვალისწინეთ ეს მოქმედი რჩევები:

1. აღრიცხეთ თქვენი ხარჯები: გამოიყენეთ თქვენი ინდუსტრიისთვის მორგებული საბუღალტრო პროგრამა ხარჯების რეალურ დროში მონიტორინგისთვის.

2. დააწესეთ ბიუჯეტები: შექმენით ბიუჯეტები ხარჯების თითოეული კატეგორიისთვის - ეს დაგეხმარებათ სწორ გზაზე დარჩეთ და თავიდან აიცილოთ არასაჭირო ხარჯები.

3. რეგულარულად გადახედეთ გამოწერებს: გამოიმუშავეთ ჩვევა, შეაფასოთ, თუ რამდენად ღირებულს მატებს თითოეული გამოწერა თქვენს ბიზნესს.

4. დანერგეთ ეფექტური ინვოისინგი: განიხილეთ ავტომატიზირებული საინვოისო სისტემების გამოყენება, რომლებიც აგზავნიან შეხსენებებს ვადაგადაცილებულ გადახდებზე.

5. მოიძიეთ პროფესიონალური დახმარება: ფინანსურ ექსპერტებთან პარტნიორობამ შეიძლება მოგცეთ სიცხადე და სტრატეგიული რჩევები, მორგებული თქვენი ბიზნესის საჭიროებებზე.

დაიწყეთ ფიქრი თქვენს ფინანსურ ჯანმრთელობაზე

როგორც კი ნავიგაციას ახდენთ მცირე ან საშუალო ზომის ბიზნესის მართვის სირთულეებში, გახსოვდეთ, რომ იმის გაგება, თუ სად მიდის თქვენი ფული, გადამწყვეტია თქვენი წარმატებისთვის. "სად წავიდა ჩემი ფული?"-ს სინდრომის გადაჭრით, თქვენ არა მხოლოდ შეამცირებთ სტრესს, არამედ ნათლად დაინახავთ სურათს, რაც ზრდისთვის აუცილებელია.

თუ თავს გადატვირთულად გრძნობთ ან არ ხართ დარწმუნებული, საიდან დაიწყოთ, ნუ მოგერიდებათ დაგვიკავშირდით! ჩვენი გუნდი სპეციალიზდება ფინანსურ აუთსორსინგში. ეწვიეთ ჩვენს ვებ-გვერდს მეტი ინფორმაციისა და რესურსებისთვის.